Pikassonyň suraty 139,4 million dollara satyldy
Italiýanyň milli habar gullugy ― ANSA (Agenzia Nazionale Stampa Associata) Pablo Pikassonyň ajaýyp eserlerinden biri ― «Sagat dakan aýal» suratynyň 139,4 million dollara satylandygyny habar berdi.
Satuw ýeri Nýu-Ýorkda ýerleşýän gadymy “Sotbis” auksion öýidir. Hünärmenleriň pikiriçe, bu eser şu wagta çenli suratkeşiň eserleri üçin kesgitlenen ikinji ýokary bahadyr.
Habarda 1932-nji ýylda döredilen, Pikassony ylhamlandyran aýal, fransuz suratkeşi Mariýa-Tereza Walteriň keşbini şekillendirýän bu surat 1968-nji ýyldan bäri hususy kolleksiýada saklanylýar diýilýär.
