Paýtagtly aýdymçylar Lebapda konsert berdiler

Milli bahar baýramy mynasybetli ýurdumyzyň tanymal estrada ýyldyzlary Parahat Pürjäýew, Mekan Çarygulyýew welaýatymyzda myhmançylykda boldular. Aýdymçylar Saýat etrabynyň Sakar, Garabekewül şäherleriniň we Çarjew etrabynyň B.Mirzaýew oba medeniýet öýlerinde çykyş etdiler. Sungat ussatlarynyň ýerine ýetiren şowhunly aýdymlary diňleýjileriň göwnünden turdy. Konserte gatnaşyjylar ýerine ýetirijileriň käbir meşhur aýdymlaryny bilelikde ýerine ýetirdiler.
Sungat ussatlarynyň oba-şäherlerimizde döredijilik saparlarynda bolup, oba zähmetkeşleriniň armasyny ýetirmekleri ýerli ýaşaýjylara uly şatlyk eçildi.
Welaýat medeniýet müdirligi tarapyndan şeýle çykyşlary ýene-de gurap durmak meýilleşdirilýär.