Özbegistandan Türkmenistana traktor tirkegleri gelip gowuşdy
Şu gün Lebap welaýat oba hojalyk önümçilik birleşiginiň üpjünçilik kärhanasyna goňşy Özbegistan Respublikasyndan pagta daşamaga niýetlenen traktor tirkegleriniň 270-si gelip gowuşdy. Olaryň 66-sy welaýatyň pagta arassalaýjy kärhanalaryna paýlanyp berildi.
Ýokary ýük göterijiligi we ygtybarlylygy bilen tapawutlanýan bu tirkegler «Daşkent-Agro-traktor» jogapkärçiligi çäkli jemgyýetiň önümleridir. Bu jemgyýetiň kuwwatly oba hojalyk tehnikalary we iş gurallary ýurdumyzyň oba hojalyk pudagynda giňden peýdalanylýar. Baglaşylan şertnama laýyklykda ýylyň aýagyna çenli ýurdumyza täze tirkegleriň jemi 1 müňüsi getiriler. Olar pagta ýygymynda ýygnalan hasyly ýitgisiz daşamakda giňden peýdalanylar.
