Özbegistan Respublikasy Türkmenistana tiz lukmançylyk kömegi ulaglaryny sowgat etdi
Iki ýurduň arasyndaky diplomatik gatnaşyklaryň ýola goýulmagynyň baýramçylygy mynasybetli Özbegistan Respublikasy Türkmenistana tiz lukmançylyk kömegi ulaglaryny sowgat berdi. Maşynlar Daşoguz welaýatyna getirildi. Bu ýerde şu mynasybetli baýramçylyk dabarasy geçirildi.
Goňşy ýurtdan tiz lukmançylyk kömegi ulaglarynyň gelip gowuşmagy iki ýurduň arasyndaky hoşniýetli goňşuçulyk gatnaşyklarynyň üstünlikli ösdürilýändigine şaýatlyk edýär. Bu iki ýurduň Prezidentleriniň döwletara gatnaşyklary mundan beýläk hem berkitmäge ymtylýandyklarynyň nobatdaky güwäsi boldy.
