Owlak-guzy möwsümine girişildi
Daşoguz welaýat oba hojalyk önümçilik birleşiginiň Garagum çölüniň jümmüşinde zähmet çekýän maldarlary dowarlary gyşdan abat we sagdyn alyp çykmak bilen birlikde, owlak-guzy almak möwsümine hem doly taýýarlykly girişdiler. Bu barada «Daşoguz habarlary» gazeti habar berýär.
Dowardarlar hasapda durýan 43089 ene dowardan 36002 owlak-guzy almagy göz öňünde tutup, ähli güýçlerini bu işe sarp edýärler. Bu ugurdaky degişli işleri talabalaýyk amala aşyrmak üçin maldarçylyk hojalyklarynda ýörite toparlar döredildi we olar sürülere berkidildi.