“Open 13 Provence” baş baýragy Fransiýada galdy
Fransiýanyň Marsel şäherinde geçirilen abraýly ATP ýaryşy tamamlandy.
Ýaryşyň baş baýragyny fransiýaly Ugo Umber gazandy.
Finala çenli ATP sanawynda 21-nji orny eýelän Ugo, çempionlyk duşuşygynda dünýäniň 13-nji raketkasy bolup gelýän bolgariýaly Grigor Dimitrowy ýeňdi – 6/4, 6/3.
Fransuz tennisçisi özara duşuşyklarda ilkinji gezek tejribeli garşydaşyny ýeňdi.
Umber segsen bäş minut dowam eden ýaryşda 10 eýs, Dimitrow bolsa, 6 eýs urgysyny amala aşyrdy.
“Open 13 Provence” ýaryşyna gatnaşmak Ugo üçin 250 reýtin utugyny we 110,115 ýewro baýrak puluny getirdi. Bu bolsa 25 ýaşly Umberiň ATP ýaryşlaryndaky bäşinji baş baýragy boldy.
