Olaryň durmuş toýy Aşgabat — Türkmenabat awtobanynyň açylyş dabarasyna gabat geldi

Geçen hepdäniň anna güni Aşgabat — Türkmenabat ýokary tizlikli awtomobil ýolunyň Mary welaýatyndan Türkmenabat şäherine çenli uzaýan bölegi ulanmaga berildi. Şol gün türkmenabatly ýaşlar Azamat Andazow bilen Aýgül Saparmamedowanyň durmuş toýy hem geçirildi. Şeýlelikde, iki ýaş juwanyň toý dabarasy täze awtobanyň açylyş gününe gabat geldi.
Toý güni milli şaý-sepler bilen bezelen awtoulag kerweni ýola düşdi, dabara gatnaşyjylara nogul-nabat seçildi hem-de sylag-serpaý ýapyldy. Goşa dabara gatnaşanlar bagtly ýaşlara gutlag sözlerini aýdyp, bu şatlykly wakanyň täze ýoluň açylyşy bilen gabat gelmegini aýratyn bellediler.