Okuw türgenleşigi geçirildi
Türkmenabat şäherindäki tehniki orta hünär okuw mekdebinde welaýat raýat goranyş we halas ediş işleri müdirligi bilen bilelikde ilatyň adatdan daşary ýagdaýlara taýýarlygyny berkitmek boýunça okuw türgenleşigi geçirildi.
Oňa degişli gulluklaryň hünärmenleri we wekilleri, lukmanlar, meýletinçiler, talyplar gatnaşdylar.
Okuw türgenleşiginde dürli adatdan daşary ýagdaýlarda ejir çekenleri howpsuz ýere geçirmegiň, olara ilkinji lukmançylyk kömegini bermegiň düzgünleri boýunça gürrüňdeşlik geçirildi.
Iki tapgyrda geçen bu okuw türgenleşiginde lukmanlar dürli tebigy hadysalarda ejir çekenlere ilkinji amaly kömek bermegiň düzgünlerini düşündirdiler.
