Oglanlary we gyzlary gylyçlaşmak görnüşi boýunça türgenleşik okuwlaryna kabul etmek dowam edýär
Türkmenabat şäheriniň 6-njy sport mekdebinde sportuň gylyçlaşmak görnüşi boýunça türgenleşik geçmek isleýän ýaşlaryň nobatdaky tapgyrda okuwa kabul edişligi başlandy. Okuw türgenleşik sapaklaryna 8 ýaşy dolan oglanlar we gyzlar kabul edilýär. Türgenleşik sapaklaryny Türkmenabat şäheriniň 6-njy sport mekdebiniň tälimçi-mugallymy Nargiza Raýmowa alyp barar.
Şu sport mekdebinde tälim alýan Daniýar Raýmowyň gylyçlaşma boýunça ýetginjekleriň we ýaşlaryň arasynda geçirilen Türkmenistanyň birinjiliginde baýrakly orunlara mynasyp bolandygyny öň habar beripdik.
