Oba hojalykçylaryň neşirine täze ýolbaşçy bellenildi
Guwançmyrat Amanýazowiç Amangeldiýew «Bereketli toprak» gazetiniň baş redaktory wezipesine bellenildi. Türkmenistanyň Prezidenti Serdar Berdimuhamedow şu gün, 5-nji awgustda degişli Permana gol çekdi.
«Bereketli toprak» gazetiniň ozalky baş redaktory Azat Gadamowiç Jepbarow 2023-nji ýylyň güýzünde Türkmenistanyň Prezidentiniň metbugat sekretary wezipesine bellenilipdi.
Bu neşiriň Lebap welaýatynda hem öz habarçylary işleýär. Olar welaýatyň oba hojalyk durmuşyna degişli täzeliklerdir makalalar bilen gazetde ýygy-ýygydan çykyş edýärler. Gazetiň welaýatdaky habarçylary hökmünde žurnalistler Maral Akmyradowa bilen Jennet Reýimbaýewa işleýär.
