Nowruz tagamlaryny taýýarlamak boýunça bäsleşik geçirildi
Türkmenabat şäherindäki «Goşa çynar» toý dabaralar merkezinde «Nowruz tagamlary» diýen at bilen bäsleşik geçirildi. Türkmenistanyň Kärdeşler arkalaşyklarynyň welaýat birleşmesiniň guramagynda geçirilen bu bäsleşige Türkmenabat şäherindäki tehniki orta hünär okuw mekdepleriniň talyp gyzlary gatnaşdylar.
Türkmenabadyň Agrosenagat orta hünär okuw mekdebiniň talyp gyzlary ähli şertler boýunça iň ýokary baha mynasyp boldular we bäsleşigiň baş baýragyny eýelediler. Birinji baýrakly orna Türkmenabat şäherindäki derýaçylyk orta hünär okuw mekdebiniň gyzlary mynasyp boldular. «Türkmenhimiýa» döwlet konserniniň Türkmenabat şäherindäki tehniki orta hünär okuw mekdebiniň we Türkmenabat şäherindäki 2-nji hünärment mekdebiniň talyp gyzlary degişlilikde ikinji we üçünji baýrakly orunlary eýelediler.
Ýeňijilere Türkmenistanyň Kärdeşler arkalaşyklarynyň welaýat birleşmesi tarapyndan baýramçylyk sowgatlary gowşuryldy.
