Berkarar döwletimiziň täze eýýamynyň Galkynyşy döwründe ýurdumyzyň ähli künjeklerinde Milli bahar baýramy-Halkara Nowruz güni bilen baglanşykly geçirilýän baýramçylyk dabaralary ýokary ruhubelentlige eýe bolýar. Ine munuň bilen baglanşykly, Türkmenabat şäherindäki “Türkmeniň ak öýi” binasynyň öňündäki baýramçylyk meýdançasynda Halkara Nowruz gününe bagyşlanan baýramçylyk dabarasy geçirilip, edebi mirasymyzy, däp-dessurumyzy, milli medeniýetimizi ýaýbaňlandyrmakda özboluşly ähmiýete eýe boldy. Şeýle-de bu ýerde dürli sergiler gurnalyp, halkymyzyň ekerançylyk, maldarçylyk, bagbançylyk, senetçilik bilen bagly däp-dessurlaryny beýan edýän çykyşlary, aýdym-sazly dabaranyň şowhunyny artdyrdy.
Baýramçylyk dabarasynda milli gymmatlyklarymyzy şöhlelendirýän sergi eserleriniň gurnalmagy çärä gatnaşyjylarda aýratyn täsir galdyrdy. Munuň bilen birlikde Türkmenistanyň Demokratik partiýasynyň Çärjew etrap komitetiniň işjeň agzalarynyň, talyp ýaşlarynyň, mekdep okuwçylarynyň gatnaşmagynda Beýik Watançylyk urşy muzeýinde dabara gurnalyp, gatnaşyjylaryň berkarar Watanymyza, şöhratly taryhymyza, pederlerimiziň beýik ynsanperwerlik ýörelgelerine guwanmaga watançylyk ruhuny galkyndyrmakda netijeli häsiýete eýe boldy. Seýle baýramçylyk günlerinde Türkmenistanyň Demokratik partiýasynyň Çärjew etrap komiteti işjeň agzalarynyň Beýik Watançylyk urşy muzeýi bilen bilelikde ysnyşykly iş alyp barmaklary geçirilýän dabaraly çäreleri ýokary derejede gurnamaklaryna ýardam berýär.
