Nebiti gaýtadan işleýjileriň maşgalalary üçin täze ýaşaýyş jaýy ulanylmaga berildi
Şu gün goşa baýramyň ― Halkara Bitaraplyk gününiň hem-de Nebitgaz senagatynyň we geologiýa işgärleriniň hünär baýramynyň öň ýanynda Seýdi şäherinde nebiti gaýtadan işleýän zawodyň işgärleriniň maşgalalary üçin dört gatly, 24 öýli ýaşaýyş jaýynyň açylyş dabarasy boldy. Senagatçylar şäheriniň görküne görk goşan kaşaň ýaşaýyş jaýyny «Türkmengündogarnebitgurluşyk» gurluşyk-gurnama trestiniň gurluşykçylary bina etdiler.
Goşa şatlygy başdan geçirýän bagtyýar maşgalalara täze öýleriň açarlarynyň gowşurylmagy we olara ýurtlarynyň garşy almagynyň arzuw edilmegi dabaranyň iň tolgundyryjy pursatlarynyň biri boldy. Dänew etrabynyň medeniýet işgärleriniň aýdym-sazly çykyşlary dabara gatnaşyjylara ruhy lezzet paýlady.
