Muhammet Salah we Kewin de Brýuýn ABŞ çempionatyna geçmegi mümkin
Angliýanyň Premýer-ligasynyň iň parlak ýyldyzlary Muhammet Salah we Kewin de Brýuýn tomusda ABŞ çempionatyna geçmegi mümkin.
Häzirki wagtda “Liwerpulyň” eýeleri tomusda şertnamasy gutarýan müsürli hüjümçini has uzak wagtlap toparda saklamaga synanyşýarlar. Ýöne Salah heniz soňky kararyny aýtmady.
“Mançester Siti” bolsa Kewin de Brýuýnini goýbermäge garşy däl we eýýäm onuň ýerine laýyk dalaşgär gözläp başlady.
“TBR Football” neşiriniň habaryna görä, ABŞ çempionatyna gatnaşýan “San-Diego” kluby iki futbolçyny deňiz arkasyna getirmek isleýär.
Hünärmenler amerikalylara bu transferi amala aşyrmagyň kyndygyny aýdýarlar. Sebäbi iki ýyldyza Ýewropanyň özi we Saud Arabystanynyň baý klublary çynlakaý gyzyklanma bildirýär.
