Modriç Ronaldunyň başarmadygyny başardy

Ispaniýanyň “Real Madrid” toparynyň horwatiýaly ýarymgoragçysy Luka
Modriç bu topar bilen 28 kubok gazandy we toparyň düzüminde iň köp kubok gazanan futbolçy boldy. Golaýda, “Real” topary yklymara kubogyň finalynda Meksikanyň “Paçuka” toparyny 3:0 hasabynda utup, nobatdaky kubogyny gazanypdy. Bu kubok şolbir wagtda Modriçiň topar bilen  gazanan 28-nji kubogy boldy.
39 ýaşyndaky Modriç 2012-nji ýylda Ispaniýanyň şa klubynyň düzümine
goşulypdy. Şondan bäri toparda netijeli oýun görkezip, toparynyň kuboklary gaznamagyna hem-de çempion bolmagyna uly goşant goşan futbolçylaryň biridir.
Modriç bu toparyň düzüminde oýnan döwründe 2018-nji ýylda “Altyn top” baýragyna hem mynasyp bolupdy.
Horwat futbolçydan soňra “Realyň” düzüminde oýnan döwründe iň köp kubok gazanan futbolçylaryň sanawynda ikinji orunda 27 kubok bilen Dani Karwahal, 26 kubok bilen Naço, 25 kubok bilen degişlilikde Kairm Benzema we Marselo barýar.