«MNG Airlines» kompaniýasynyň uçarlary Türkmenabat halkara howa menziline gonup geçerler
Türkmenabat şäheriniň halkara howa menzili «MNG Airlines» türk awiakompaniýasynyň uçarlaryna hyzmat etmäge taýýar.
«Türkmenistanyň Ulag-Logistika Merkezi» açyk görnüşli paýdarlar jemgyýeti bilen Türkiýäniň «MNG Airlines » kompaniýasynyň arasynda geçirilen gepleşiklerde şeýle netijä gelindi. Türkmenabat halkara howa menzilinde türk howa gämilerine uçar ýangyjyny guýarlar we beýleki hyzmatlary ederler.
10-njy awgustda «MNG Airlines» türk awiakompaniýasynyň uçary Türkmenabat şäheriniň halkara howa menziline gondy. Bu ýerde uçara ähli hyzmatlar ýokary derejede edildi.
