«BepiColombo» älem zondy özüniň alan Merkuriniň birinji suratyny iberdi, diýip Ýewropa kosmos agentligine salgylanmak bilen, Russiýanyň «Новости» habarlar agentligi habar berýär.
Surat UTC wagty bilen 23:44-de (Aşgabat wagty bilen 00:44-de) alnypdyr. Şol wagt zond Merkuriden 2418 kilometr aralykda ýerleşen eken. Ondan on minut ozal apparat saýýara 199 kilometr ýakynlaşmagy başarypdyr.
1024 x 1024 piksel dykyzlykdaky ak-gara suratda Merkuriniň Klawino we Lermontow kraterleri, «Sihtu» düzlügi ýerleşen demirgazyk ýarym togalagy şekillendirilipdir.
