Mary welaýatynda elewator we halta öndürýän önümhana gurlar
Mary welaýatynyň Serhetabat etrabyndaky «Çemenabat» maldarçylyk hojalygynyň çäginde 100 müň tonna bugdaý saklamaga niýetlenen elewatory hem-de haltalary öndürýän önümhanany gurmak göz öňünde tutulýar. Bu barada Türkmenistanyň Prezidenti Serdar Berdimuhamedowyň düýn geçiren iş maslahatynda aýdyldy.
Ol Gazagystanyň bugdaýyny we un önümlerini Owganystana hem-de bu ýurduň üsti bilen beýleki ýurtlara ibermek üçin hyzmat eder. Bu işleri paýly gatnaşyk esasynda amala aşyrmagyň meýilleşdirilýändigi hem habar berildi.