«Mançester Ýunaýted» 10 futbolçy bilen hoşlaşar
«Mançester Ýunaýtediň» baş tälimçisi Erik ten Hag klubyň ýolbaşçylaryna möwsüm tamamlanansoň hoşlaşmak isleýän futbolçylarynyň sanawyny berdi. Žurnalis Nikolo Skirani olaryň sanynyň 10-a ýetýändigini aýdýar.
Tomusky transfer penjiresinde futbolçylar Din Hendersonyň, Erik Baýiniň, Harri Maguaýryň, Aleks Tellesiň, Brendon Uilýamsyň, Donni wan de Bekiň, Skott Maktominaýyň, Entoni Elanganyň, Antoni Marsýalyň we Waut Weghorstyň topar bilen hoşlaşmagyna garaşylýar.
«Mançester Ýunaýted» 36 duşuşykdan soň APL-de dördünji orny eýeleýär. «Gyzyl şeýtanlar» nobatdaky oýnuny «Çelsi» bilen geçirerler.
