«Maldar» maldarçylyk hojalygynda ýaz gyrkymy tamamlandy
Mary welaýatynyň oba hojalyk önümçilik birleşiginiň garamagyndaky Tagtabazar etrabyndaky «Maldar» maldarçylyk hojalygynyň zähmetkeşleri guwandyryjy netijelere eýe bolýarlar.
Öz bakýan mallaryndan sagdyn guzy alyp, olaryň baş sanyny artdyrmakda, gyrkym işlerini wagtynda geçirip, dowarlary orta we ýokary semizlikde saklamakda köplere görelde bolýarlar. Şu ýyl ýyl owlak-guzy almak baradaky şertnamalaýyn borçnamalaryny artygy bilen berjaý eden bu maldarçylyk hojalygynyň çopan-çoluklary ýaz gyrkymyny guramaçylykly geçirip, uly abraýa eýe boldular. 297 tonna 800 kilogram ýüň alyndy.
