Magtymguly Pyragynyň Türkmenabatdaky ýadygärligine gül desseleri goýuldy
Irden Türkmenabat şäheriniň «Ýedigen» seýilgähinde Medeniýet we sungat işgärleriniň hem-de Magtymguly Pyragynyň şygryýet güni mynasybetli Magtymguly Pyragynyň ýadygärligine gül goýuşlyk çäresi geçirildi.
Soňra seýilgähde Medeniýet we sungat işgärleriniň hem-de Magtymguly Pyragynyň şygryýet güni mynasybetli baýramçylyk dabarasy ýaýbaňlandyryldy. Onda çykyş edenler medeniýet we sungat işgärlerini hünär baýramy bilen gutlap, olara geljekde-de döredijilik üstünliklerini arzuwladylar. Baýramçylyk dabaralary Türkmenabat şäheriniň «Türkmeniň ak öýi» binasynyň öňündäki meýdançada, welaýat kitaphanasynda, şäher medeniýet öýünde hem giňden guraldy. Ýaňlanan şirin mukamlar dabara gatnaşyjylaryň toý şatlygyny goşalandyrdy.
