«Lebapnebitgazgözleg» ekspedisiýasynyň hünärmenleri täze gözleg guýusyny burawlamaga girişdiler
«Türkmengeologiýa» döwlet korporasiýasynyň «Lebapnebitgazgözleg» ekspedisiýasynyň baýlyk agtaryjylary Balkan welaýatynyň çägindäki Batgaly ýer meýdançasynda ilkinji gözleg guýusyny burawlamaga girişdiler. Bu möhüm buýurmany tejribeli buraw ussasy Nazar Joraýew tarapyndan baştutanlyk edilýän toparyň agzalary ýerine ýetirýärler.
Toparyň işgärleri golaýda Uzynada meýdançasynda taslama çuňlugy 7200 metr bolan gözleg guýusyny burawlamagy üstünlikli tamamladylar. Täze meýdançada olaryň öňünde 6200 metr çuňlugy burawlamak wezipesi öňde durýar. Hytaý döwletiniň kuwwatly buraw enjamynyň mümkinçiliklerinden netijeli peýdalanýan baýlyk agtaryjylar gysga wagtda 500 metrden gowrak çuňlugy burawlamagyň hötdesinden geldiler.
