Lebaplylaryň adyndan Türkmenistanyň Prezidentine hoşallyk bildirildi

13-nji aprelde geçirilen sanly ulgam arkaly iş maslahatynyň barşynda Lebap welaýatynyň häkimi D.Genjiýew sebitiň ýaşaýjylarynyň adyndan döwlet Baştutanymyza minnetdarlyk bildirdi. Bu hoşallyk Aşgabat — Türkmenabat ýokary tizlikli awtomobil ýolunyň Mary — Türkmenabat böleginiň açylyp, ulanmaga berilmegi bilen baglanyşyklydyr. Täze düzüm desgasynyň işe girizilmegi welaýatyň logistik mümkinçiliklerini giňeltmekde we ilatyň durmuş şertlerini gowulandyrlandyrmakda uly ähmiýete eýe boldy.
Habarda bellenilişi ýaly, welaýat häkimi sebit halkynyň adyndan döwlet Baştutanymyza berk jan saglyk we halkyň abadan durmuşyna gönükdirilen işlerinde rowaçlyklar arzuw etdi. Şeýle hem maslahatyň dowamynda sebitde şu ýyl açylmagy meýilleşdirilýän medeni-durmuş we önümçilik maksatly beýleki desgalaryň gurluşyk işleriniň bellenen möhletlerde tamamlanmagy boýunça degişli hasabatlar berildi.