Lebaply zenanlar maddy däl medeni mirasyň nusgalaryny topladylar

Medeniýet ministrliginiň hünärmenleri Lebap welaýatynyň dürli etraplaryna iş saparyny amala aşyryp, sebitiň maddy däl medeni mirasynyň dürdänelerini hasaba aldylar. Saparyň dowamynda Hojambaz etrabynyň gurama işleri, Kerki etrabynyň keşdeçilik sungaty we Saýat etrabynyň zergärçilik nusgalary öwrenildi.
Saýat etrabynyň Sakar şäherinden Ogulnur Öräýewa we Maýagözel Ýazgulyýewa ýaly halk ussalarynyň döreden el işleri türkmen zenanlarynyň çeperçilik ukybynyň ýokarydygyny ýene bir gezek subut etdi. Bu toplanan maglumatlar geljekde ýörite makalalar we ylmy işler hökmünde halk köpçüligine ýetirilip, milli mirasymyzyň geljekki nesillere geçirilmegine uly goşant goşar.