Lebaply zehinli ýaşlar robototehnika boýunça bäsleşige gatnaşmaga çagyrylýar

Robototehnika boýunça Lebap welaýatynyň ukyply ýaşlary Türkmenistanyň
Magtymguly adyndaky Ýaşlar guramasynyň Merkezi Geňeşi we
Türkmenistanyň Bilim ministrligi tarapyndan geçirilýän bäsleşige gatnaşmaga
çagyrylýar. Ýaşlar guramasynyň web-saýtynda habar berilişi ýaly, 2024-nji ýylyň 30-njy noýabrynda paýtagtymyzda robototehnika ugrundan zehinli okuwçylary ýüze çykarmaga we goldamaga gönükdirilen “Ýaş robototehnikaçy” atly bäsleşik geçiriler.
Bäsleşige Türkmenistanyň ähli künjeginden umumy bilim berýän mekdepleriň
7-12-nji synp okuwçylary gatnaşyp bilerler. Çäre ýurdumyzyň Jemgyýetçilik
guramalarynyň merkezi binasynda geçiriler.
Gatnaşyjylar 23.11.2024 senesine çenli
 http://(https://forms.gle/exCfb7BCqR5gUxKDA) gysga salgynyň üsti bilen öňünden ýazylmalydyrlar.