Lebaply ýeňil atletikaçylar Türkmenistanyň kubogynda 23 medala mynasyp boldular

Ýeňil atletika boýunça Aşgabat şäherinde geçirilen Türkmenistanyň kubogy ugrundaky ýaryşda welaýatymyzyň türgenleri baýrakly orunlaryň 23-sine mynasyp boldular. Olar birinji orunlaryň 10-syny, ikinji orunlaryň 9-syny we üçünji orunlaryň 4-sini eýelediler.
Gazanylan üstünlikde türkmenabatly türgenler Darina Kapranowanyň (100 metr päsgelçilikli aralyga ylgamak), Bagtyýar Rozyýewiň (beýikligine we uzynlygyna bökmek), Aziza Baltaýewanyň (beýikligine we uzynlygyna bökmek), Çärjew etrabyndan Aziza Atahanowanyň (3 kilometr aralyga ylgamak) we beýleki türgenleriň uly paýy bar. Ýeňijileri ýaryşa Nazira Hojaýewa, Witaliý Kişikow, Swetlana Pessowa, Kamil Hudaýnazarow ýaly tejribeli tälimçiler taýýarladylar.