Lebaply ýeňil atletikaçy «Aziýanyň çagalary» sport oýunlarynda altyn medal gazandy
Russiýanyň Wladiwostok şäherinde geçirilýän «Aziýanyň çagalary» VII Halkara sport oýunlarynda lebaply ýeňil atletikaçy Sabina Kasymjanowa altyn medala mynasyp boldy.
Ol 3000 metri 10 minut 27 sekundda geçip, pellehana hemmelerden öň geldi. Ikinji orny özbegistanly, üçünji orny bolsa russiýaly ýeňil atletikaçylar eýelediler.
Sabina Dänew etrabynyň 5-nji sport mekdebinde ussat tälimçi Atajan Durdyýewiň şägirdi. Ol birnäçe gezek Lebap welaýatynyň, Türkmenistanyň çempiony boldy. 15 ýaşly türgen erte 1500 metre ylgamak boýunça güýç synanyşar.
