Lebaply woleýbolçylar halkara ýaryşa gatnaşýarlar
Lebaply woleýbolçylar Türkmenistanyň 20 ýaşa çenli ýaşlar ýygyndysynyň hatarynda Şri-Lankada geçiriljek Aziýanyň çempionatyna gatnaşýar.
4 – 13-nji oktýabr aralygynda geçiriljek ýaryşa gatnaşýan ýygyndymyzyň hatarynda lebaply türgenleriň üçüsi bar. Olaryň ikisi Türkmenabat şäherindäki 9-njy we 10-njy sport mekdepleriniň uçurymlarydyr. Has takygy, bu sport mekdeplerinde uçurym bolan türgenlerden Alişer Narbaýew häzirki wagtda Türkmen döwlet maliýe instutynda, Agamyrat Rozyýew bolsa Magtymguly adyndaky Türkmen döwlet uniwersitetinde bilim alýar. Ýurduň ýaşlar ýygyndysynyň hatarynda Türkmenabat şäherindäki 33-nji orta mekdebiň okuwçysy Şöhrat Allakow hem bar.
