Lebaply türgenlere milli ýygyndylara goşulmaga mümkinçilik döreýär

2026-njy ýylyň ýanwar aýynda Aşgabat şäherinde oglanlaryň we gyzlaryň arasynda sambo, dzýudo hem-de söweş sambo boýunça geçiriljek ýaryşlar Türkmenistanyň milli ýygyndy toparyna saýlap almagyň ilkinji tapgyry bolar. Ýaryşlar 17–19-njy ýanwar aralygynda Türkmenistanyň Bedenterbiýe we sport baradaky döwlet komitetiniň sport zalynda geçiriler. Oňa 2006–2007–2008-nji ýyllarda doglan, deslapky saýlama tapgyryndan geçen türgenler gatnaşarlar.
Ýaryşlara Türkmenistanyň milli sambo federasiýasy hem-de Türkmenistanyň dzýudo federasiýasy guramaçylyk edýär. Bäsleşikler döwlet sport ösüş maksatnamasynyň çäklerinde geçirilip, milli hem-de halkara ýaryşlarda çykyş etmäge ukyply zehinli türgenleri ýüze çykarmagy maksat edinýär. Ýeňiji bolanlar we baýrakly orunlary eýelän türgenler abraýly halkara ýaryşlarda hem-de çempionatlarda Türkmenistanyň adyndan çykyş etmek mümkinçiligine eýe bolarlar.