Lebaply türgenler suwda pökgi oýnamak boýunça Türkmenistanyň çempiony boldular
Lebap welaýatynyň ýygyndy topary suwda pökgi oýnamak boýunça Aşgabat şäherinde geçirilen Türkmenistanyň çempionatynda ähli bäsdeşlerinden üstün çykyp, birinji orny eýelemegi başardy. Ýaryşa paýtagtdan we ýurduň ähli sebitlerinden toparlar gatnaşdylar.
Çempion topara Erkin Nowruzow bilen Zakir Şeripow tälim berýärler. Welaýatyň ýygyndy toparynyň agzalary Sergeý Starikow, Ilgiz Týuýbaýew, Welihan Jumabaýew, Umit Matýakubow, Umitjan Öräýew, Seýitjan Bäşimow, Anwar Nowruzow, Mansur Kurbanniýazow, Alim Urunow we beýleki türgenler Türkmenistanyň sportuň suwdaky görnüşleri boýunça milli federasiýasynyň Hormat hatlarydyr sowgatlary bilen sylaglandylar.
Käbir türgenler bolsa milli ýygyndymyzdan çakylyk aldylar. Olar halkara ýaryşlarda ýurdumyzyň sport abraýyny gorap çykyş ederler.
