Lebaply türgenler kikboksing boýunça dünýä çempionatynda üstünlikli çykyş etdiler
Türkmen türgenleri Kinboksing boýunça Dünýä çempionatynda üstünlikli çykyş edip, 12 medal gazanmagy başardylar we bu görkeziji babatda ilkinji onluga girdi. Olaryň aglabasy Lebap welaýatynyň türgenleridir.
24-29-njy sentýabrda Daşkent şäherinde (Özbegistan) geçirilen dünýä birinjiligine 40 döwletden jemi 2 müň 500-den gowrak türgen gatnaşdy.
Ýaryşda Türkmenistana Kikboksing boýunça milli ýygyndy toparyň baş tälimçisi Orazmuhammet Kömekowyň ýolbaşçylygynda 15 türgen wekilçilik etdi.
Altyn medal gazanan türgenlerimiz:
- Orazmuhammedow Muhammetaly, 2015-nji ýylda doglan, 30 kg agram derejede.
- Rustamow Rasul, 2009-njy ýylda doglan, 42 kg agram derejede.
- Akmyradow Akmyrat, 2006-njy ýylda doglan, 67 kg agram derejede.
- Baltaýew Salamathan, 2007-nji ýylda doglan, 86 kg agram derejede.
- Woýewodin Kirill, 2007-nji ýylda doglan, 54 kg agram derejede.
- Joraýew Nurmuhammet, 2010-njy ýylda doglan, 52 kg agram derejede.
- Bekenow Serdar, 2007-nji ýylda doglan, 51 kg agram derejede.
Bürünç medal gazanan türgenlerimiz:
- Mahmudow Guwanç, 2008-nji ýylda doglan, 51 kg agram derejede.
- Babaýew Guwanç, 2008-nji ýylda doglan, 48 kg agram derejede.
- Maýew Yhlas, 2008-nji ýylda doglan, 63,5 kg agram derejesinde.
- Geldimammedow Reşit, 2008-nji ýylda doglan, 60 kg agram derejesinde.
- Atabaýew Hangeldi, 2010-njy ýylda doglan, 47 kg agram derejesinde.
