Lebaply tennisçiler Türkmenistanyň kubogyna gatnaşýarlar
Lebaply tennisçiler şu günler Aşgabat şäherinde geçirilýän Türkmenistanyň kubogy ugrundaky ýaryşa gatnaşýarlar. «Türkmenistan: Altyn asyr» neşiri ýaryşa Aşgabat şäherinden we Daşoguz, Lebap, Mary welaýatlaryndan 113 tennisçiniň gatnaşýandygyny habar berdi.
13 ýaşly 59 oglan we 54 gyz gatnaşýan bu ýaryş «Aşgabat» köpugurly stadionynyň tennis meýdançalarynda geçirilýär.
39 ýaşly milli emin, halkara «Level 1» tälimçilik derejeli Ýewgeniý Molçanowyň baş eminliginde ýekelikde, jübütlikde we garyşyk ugurlarda Kubok ugrundaky ýaryşyň ýeňijileri kesgitlener.
Türkmenistanyň Kubogy ugrunda ýaryş ýylyň iň möhüm ýaryşlaryň biridir, onuň netijesi boýunça ýurdumyzyň milli ýygyndysynyň düzümi kesgitlener.
Ýaryş 22-nji sentýabrda tamamlanar.
