Lebaply telekeçiniň önümleri dünýä bazarynda
Polipropilen we polietilen haltalaryň önümçiligini alyp barýan «Rysgally gap» hususy kärhanasynyň önümleri diňe bir ýurduň içinde däl, eýsem, dünýä bazarynda hem uly islegden peýdalanýar.
Farap etrabynda ýerleşýän bu kärhanada ini 35 santimetrden 85 santimetre çenli, uzynlygy 70 santimetrden 1,5 metr aralygynda bolan polipropilen we polietilen haltalar öndürilýär. Kärhanada halta dokamakda ulanylýan, ölçegi 2,5-3 millimetre deň bolan polietilen sapaklarynyň we haltalyk matalaryň önümçiligi alnyp barylýar. Polietilen haltalar tehniki maksatly, polipropilen haltalar azyk önümlerini gaplamakda ulanylýar. «Rysgally gap» hususy kärhanasy öz önümlerini Gazagystan Respublikasyna, Russiýa Federasiýasyna eksport edýär.
