Lebaply telekeçiler Türkmenistandan ABŞ-niň 731 müň dollaryna barabar senagat harytlary eksport etdiler
Lebaply telekeçiler üstümizdäki ýylyň iki aýynda 2 million 559 müň manada ýakyn senagat harytlaryny daşary ýurtlara iberdiler. Gyzyl pul möçberinde geleşikler 731 müň dollardan geçdi.
Harytlar Özbegistana, Türkiýä, Owganystana, Hytaýa we Dubaýa iberildi. Daşary ýurtlara, esasan, izogamm, suwuk bitum mastikasy, akkumulýator, mebel görnüşli geýimlik mata, senagat garyndy suwuklygy we nah mata pamygy ugradyldy.
«Mizemez gadam», «Türkmen ojagy», «Çelek», «Gaýrat» hususy kärhanalary we «Kökçi» hojalyk jemgyýeti öz harytlaryny daşary ýurtlara satdylar.
