Lebaply taýboksçular Türkmenistanyň birinjiliginde altyn medallaryň altysyna mynasyp boldular

Paýtagtymyz Aşgabatda taýboks hem-de uşu bilen meşgullanýan ýetginjekleriň we ýaşlaryň
arasynda Türkmenistanyň Taýboks we gatyşyk söweş sungatlary hem-de Uşu
federasiýalarynyň birinjilikleri ugrunda ýaryşlar geçirildi. Oňa Diýarymyzyň welaýatlarynyň
türgenleri hem gatnaşdylar.
Bäsleşikde Lebap welaýatynyň Türkmenabat şäheriniň 9-njy sport mekdebiniň taýboks hem-de uşu sanda boýunça ussat tälimçisi R.Çöliýewiň türgenleri öňdäki orunlara mynasyp boldular. Ýaryş şahsy görnüşde geçirilip, türgenler ýaş aýratynlyklary boýunça başarnyklaryny görkezdiler. Ýaryşyň netijesine görä, federasiýanyň birinjiliginde sportuň uşu görnüşi boýunça oglanlaryň arasynda Osman Berdiýew (20 kg), Muhammet Abdullaýew (30 kg), Dawut Tairow (45 kg) 1-nji orny eýelediler. Taýboks boýunça ýaryşda oglan-gyzlaryň arasynda Dawut Tairow (45 kg), Melek Döwletowa (20 kg), Azaliýa Babamyradowa (22 kg), Merjen Salomowa (25 kg) hem-de Gözel Jumaýewa (30 kg) 1-nji orunlara mynasyp boldular.