Lebaply pälwanlar grek-rim göreşi boýunça milli çempionatda üçünji orny eýelediler

Türkmenabat şäherindäki 7-nji sport mekdebinde grek-rim göreşi boýunça 17 ýaşa çenli ýetginjekleriň arasynda Türkmenistanyň çempionaty geçirildi.
Ýaryşa jemi 7 topardan türgenleriň 120-den gowragy gatnaşdy. Dürli agram derejelerinde guralan tutluşyklarda iň çakgan pälwanlar öňe saýlanmagy başardylar. Toparlaýyn görkezijiler boýunça Aşgabat şäheriniň pälwanlary birinji, Mary welaýatynyň türgenleri ikinji, Lebap welaýatynyň pälwanlary bolsa üçünji orunlary eýelediler. Ýaryşyň ýeňijilerine Hormat hatlary we medallar gowşuryldy.