Lebaply okuwçylar himiýa boýunça döwlet tapgyrynda üstünlik gazandy

Türkmenistanyň orta mekdepleriniň okuwçylarynyň arasynda geçirilen «Altyn asyryň altyn zehinleri» atly ders bäsleşiginiň döwlet tapgyry üstünlikli jemlenip, onuň netijeleri boýunça lebaply okuwçylar himiýa dersi boýunça baýrakly orunlara mynasyp boldular.
11-nji synp boýunça Türkmenabat şäheriniň daşary ýurt dillerine ýöriteleşdirilen 2-nji orta mekdebiniň okuwçysy Gülbibi Hatamowa we Türkmenabat şäheriniň 41-nji ýöriteleşdirilen orta mekdebiniň okuwçysy Astanogly Meredow döwlet tapgyrynda ikinji orunlary eýelediler. Şeýle hem Farap etrabynyň 12-nji orta mekdebiniň okuwçysy Babanazar Jumaniýazow hem-de Türkmenabat şäheriniň 41-nji ýöriteleşdirilen orta mekdebiniň okuwçysy Meňli Nowruzowa döwlet tapgyrynda üçünji orunlary gazandylar. 12-nji synp boýunça Hojambaz etrabynyň 10-njy orta mekdebiniň okuwçysy Babajan Aganyýazow döwlet tapgyrynda birinji orny eýeledi. Şeýle hem Türkmenabat şäheriniň daşary ýurt dillerine ýöriteleşdirilen 2-nji orta mekdebiniň okuwçylary Aýlar Röwşenowa, Leýli Ereşowa, Dänew etrabynyň 17-nji ýöriteleşdirilen orta mekdebiniň okuwçysy Arslan Ýusupow hem-de Çärjew etrabynyň 17-nji orta mekdebiniň okuwçysy Güller Klyçewa döwlet tapgyrynda üçünji orunlary eýelediler.