Lebaply mekdep okuwçysy Russiýadaky we Belarusdaky «Ýatlama otlusyna» gatnaşýar

Lebap welaýatyndan bir mekdep okuwçysy şu günler Russiýa Federasiýasynyň we Belarus Respublikasynyň çäklerinde meýilnama esasynda geçirilýän «Ýatlama otlusy» atly medeni-bilim çäresine gatnaşýar. Bu çärä 20-nji iýunda badalga berildi, ol 5-nji iýulda tamamlanar.
Bu çärede Türkmenistanyň bilim ulgamyna wekilçilik edýän topara Aşgabat şäheriniň 64-nji orta mekdebiniň müdiri Mekan Annaýew (topar ýolbaşçysy) we Aşgabat şäherinden, Arkadag şäherinden, Aşgabat şäherindäki Saparmyrat Türkmenbaşy adyndaky ýöriteleşdirilen umumybilim berýän mekdep-
internatyndan, A.S.Puşkin adyndaky umumy orta bilim berýän bilelikdäki türkmen-rus mekdebinden, Ahal, Balkan, Daşoguz, Lebap we Mary welaýatlarynyň hersinden 1 okuwçy (jemi 1 mugallym we 9 okuwçy) gatnaşýar. «Ýatlama otlusy» atly medeni-bilim çäresiniň çäklerinde meýilnama laýyklykda
gezelençler gurnalýar.