Lebaply mekdep okuwçylary 2024-2025-nji ýyllaryň okuw möwsümini üstünlikli tamamladylar

Tamamlanan okuw ýylynda Lebap welaýatynyň orta mekdepleriniň 11-12-nji synp okuwçylary her ýyl däbe öwrülip geçirilýän «Altyn asyryň altyn zehinleri» atly ders bäsleşikleriniň döwlet tapgyrynda baýrakly orunlaryň 33-sini eýelediler.
Olaryň 3-siniň altyn, 16-synyň kümüş, 14-siniň bürünç medallara mynasyp bolmaklary aýratyn guwandyryjydyr. Şolardan döwlet bäsleşiginde birinji orny eýelän Türkmenabat şäherindäki ýöriteleşdirilen 41-nji orta mekdebiň okuwçysy Eziz Agamyradowyň, şäherdäki ýöriteleşdirilen 21-nji orta mekdebiň okuwçysy Darýa Oblowanyň, Çärjew etrabyndaky 22-nji orta mekdebiň okuwçysy Myhman Ýazmyradowyň atlary buýsanç bilen tutulýar. Däbe öwrülen ders bäsleşiklerinde gazanylan üstünlikde Türkmenabat şäheriniň, Çärjew, Halaç, Dänew etraplarynyň mekdep okuwçylarynyň uly paýy bar.