Lebaply maldarlar ýyly üstünlikli jemleýärler
Lebap welaýatynyň maldarlarynyň nygmat bolçulygyny döretmek ugrundaky
tagallalary ýerine düşýär. Şu ýylyň tamamlanan on aýynda welaýatymyzyň ähli hojalyklary boýunça etiň 131,5 müň tonnasy (diri agramda), süýdüň 546,4 müň tonnasy, ýumurtganyň 202 million sanysy öndürildi. Maldarçylyk önümleriniň 98 göterimden hem gowragynyň hususy hojalyklar tarapyndan öndürilendigi bellärliklidir. Möhüm işde Saýat etrabynyň maldarlary ýokary işjeňlik hem-de yhlaslylyk görkezýärler. Olar tarapyndan üstümizdäki ýylyň geçen aýlarynda etiň 25,8 müň tonnasy (diri agramda), süýdüň 119,5 müň tonnasy, ýumurtganyň hem 41,2 million sanysy öndürilip, ilata ýetirildi. Bu görkezijiler geçen ýylyň deňeşdirilýän döwrüne görä degişlilikde 10, 3, 8, 1,5 göterim artykdyr.
Welaýatymyzda mallaryň we guşlaryň baş sanyny artdyrmaga çynlakaý üns
berilýär. Has takygy, häzirki wagtda welaýatymyzyň ähli hojalyklarynda gara
mallaryň 536,8 müň başy, dowarlaryň 2 515,7 müň başy, guşlaryň 4 million 144 müň başy idedilýär. Bu görkezijiler hem geçen ýylyň deňeşdirilýän
döwründäkiden artykdyr.
