Lebaply küştçüler paýtagtda gül desseleri bilen garşylanyldy
10-22-nji sentýabr aralygynda Budapeşt (Wengriýa) şäherinde dünýäniň 200-e golaý döwletinden 2000-den gowrak türgeniň gatnaşmagynda geçirilen küşt boýunça 45-nji Bütindünýä olimpiadasynda üstünlik gazanyp kiçi altyn medala eýe bolan ýaş küştçilerimiz bu gün Watanymyza dolandylar.
Aşgabadyň Halkara howa menzilinde ýeňijileri Türkmenistanyň Küşt federasiýasynyň wekilleri we ýakynlary gül desseleri bilen şatlykly garşyladylar.
Çempionlaryň arasynda lebaply küştçüler Lala we Leýla Şöhradowalar hem-de Wepaly Halnyýazow dagylar hem bar.
