SPORT WE SYÝAHAT

Lebaply küştçüler federasiýanyň Kubogy ugrundaky ýaryşa gatnaşýarlar

Paýtagtymyzda badalga alan Türkmenistanyň Küşt federasiýasynyň Kubogy ugrunda 2-nji ýaryşa Aşgabatdan, Ahal, Daşoguz, Lebap we Mary welaýatlaryndan 285 küştçi gatnaşýar.

Ýaryş ýöriteleşdirilen Küşt-şaşka mekdebiniň zalynda geçiriler.

Federasiýa Kubogynyň ýeňijisi iň abraýly milli ýaryşa – 2025-nji ýylyň fewral-mart aýlarynda geçiriljek Türkmenistanyň çempionatynyň ýokary ligasyna gatnaşmaga hukuk gazanar. Zenanlaryň arasynda iň gowy netije görkezen küştçi göni ýokary liga gatnaşar.

Çalt we blis ýaryşlarynyň ýeňijileri küşdüň bu görnüşlerinde Türkmenistanyň milli ýygyndysyny düzerler.