Lebaply kuraşçylar Aziýanyň çempionatynda bäş medal gazandy
Lebap welaýatynyň kuraşçylarynyň bäşisi 6 ― 10-njy iýun aralygynda Eýran Yslam Respublikasynda geçirilen Aziýanyň çempionatynda dürli derejeli medallara mynasyp bolup, ýurduň milli ýygyndysynyň umumy üstünligine goşant goşdular.
Has takygy, 20 döwletden 200-e golaý türgeni özünde jemlän yklym çempionatynda Çärjew etrabyndaky 2-nji sport mekdebiniň tälimçisi Aýşirin Haýdarowa 48 kilograma çenli agram derejesinde altyn, şol etrabyň 24-nji orta mekdebiniň 11-nji synp okuwçysy Rozymeňli Meýmanowa, Türkmenabat şäherindäki 29-njy orta mekdebiň 11-nji synp okuwçysy Sabina Kadyrowa, Saýat etrabyndaky 14-nji orta mekdebiň 11-nji synp okuwçysy Nurana hezretowa we kerki etrabyndaky 22-nji orta mekdebiň bedenterbiýe mugallymy Daýanç Omirow dagylar bürünç medala mynasyp boldular.
Türkmen ýygyndysynyň medal gazanan beýleki wekilleriniň hem aglabasy kuraşyň Lebap mekdebiniň uçurymlarydyr.
