Lebaply jemgyýetçilik wekilleri Halk Maslahatynyň mejlisine gatnaşmak üçin Aşgabada ugraýar
Şu gün Lebap welaýatynyň jemgyýetçilik wekilleri Türkmenistanyň Halk Maslahatynyň 24-nji sentýabrda geçiriljek mejlisine gatnaşmak üçin Aşgabat şäherine ugrarlar. Toparyň Türkmenabat demirýol menzilinden ýola düşmegine garaşylýar. Welaýat halk maslahatyndan habar berlişi ýaly, Türkmenistanyň Halk Maslahatynyň öňde duran mejlisine gündogar sebitde 300-e golaý adam gatnaşar. Olar ýaşaýan etraplaryna, şäherlerine we iş orunlaryna wekilçilik ederler.
