Türkmenabat şäherindäki 1-nji sport mekdebiniň türgenleriniň 14-si tejribeli tälimçi Baýram Amannyýazowyň ýolbaşçylygynda gandbol boýunça Türkmenistanyň kubogy ugrundaky ýaryşa gatnaşyp, hormatly ikinji orna mynasyp boldy.
Ähli duşuşyklary Türkmenistanyň Daşary işler ministrliginiň Halkara gatnaşyklary institutynda geçirilen ýaryşda welaýatyň topary diňe Aşgabat şäheriniň birinji toparyndan asgyn gelip, beýleki garşydaşlarynyň ählisini ýeňdi. Paýtagtly gandbolçylaryň birinji orny eýelän ýaryşynda üçünji orun Mary welaýatynyň toparyna eýgertdi.
Ýaryşyň netijesi boýunça Lebap welaýatynyň toparyndan Döwlet Reýimow «Iň ökde oýunçy» diýlip yglan edildi.
