Lebaply gandbolçylar Türkmenistanyň kubogynda kümüş medala mynasyp boldular

Ýakynda Mary şäherinde gandbol boýunça oglanlaryň hem-de gyzlaryň arasynda geçirilen ýurdumyzyň Kubogy ugrundaky bäsleşikler tamamlandy.
Bäsleşikleriň ikisinde hem toparlaryň altysy baş baýrak ugrunda güýç synanyşdylar («Aşgabat», «Aşgabat–2», «Lebap», «Mary», «Mary–2», «Balkan»).
Oglanlaryň arasynda geçirilen bäsleşikde netijeli çykyş eden «Aşgabat» (tälimçisi Baýram Çulumbaýew) topary baş baýraga mynasyp boldy. ikinji, üçünji orunlary degişlilikde «Lebap» hemde «Aşgabat–2» toparlary eýelediler. Gyzlaryň arasynda geçirilen bäsleşigiň baş baýragy «Aşgabat» (tälimçisi Gülendam Narbaýewa) toparynyň paýyna düşdi. Balkan hemde Mary welaýatynyň toparlary kubok bäsleşigini ikinji, üçünji orunlarda tamamladylar.