Lebaply futzalçy Türkmenistanyň çempionatynda «Iň ökde derwezewan» diýlip yglan edildi

Lebap welaýatynyň «Miras» toparynyň derwezewany Elnura Maksýuýowa zenanlaryň arasynda geçirilen futzal boýunça Türkmenistanyň çempionatynda «Iň ökde derwezewan» diýlip yglan edildi. Türkmenistanyň Futbol federasiýasynyň guramagynda geçirilen ýaryşyň netijesinde birinji orny «Kerwen», ikinji orny «Mary», üçünji orny «Altyn Täç» toparlary eýeledi.
Çempionatyň şahsy ugurlary boýunça «Altyn Täç» toparyndan Mariýa Çaryýewa «Iň köp gol geçiren futzalçy», «Kerwen» toparyndan Jemile Babaýewa «Iň ökde oýunçy» diýlip ykrar edildi. Ýaryşyň ýeňijileri we tapawutlanan türgenleri Türkmenistanyň Futbol federasiýasynyň wekilleri tarapyndan sylaglandy.