Lebaply futbolçylar Türkmenistanyň birinjiligine gatnaşýarlar
Lebap welaýatynyň 2008 ― 2009-njy ýyllarda doglan ýetginjeklerden ybarat futbol ýygyndysy şu günler Aşgabat şäherinde geçirilýän Türkmenistanyň birinjiligine gatnaşýar. Gündogar sebitiň topary düýn birinji tapgyryň çäginde Daşoguz welaýatyndan gatnaşýan futbolçylary 4:0 hasabynda ýeňip, ýaryşa üstünlikli girişdiler. «A» toparça wekilçilik edýän lebaply futbolçylar ikinji tapgyrda şu gün paýtagtyň «Kuwwatly beden» topary bilen duşuşarlar. Bu topar düýn «Altyn täçden» 0:7 hasabynda utuldy.
Milli birinjilik 29-njy iýuna çenli dowam eder. «Jeýhun.news» Lebap welaýatynyň toparynyň ýaryşdaky netijeleri barada yzygiderli habar ýetirip durmagy meýilleşdirýär.
