Lebaply deputatlaryň ikisine Türkmenistanyň Mejlisinde jogapkärçilikli wezipeler ynanyldy
Türkmenistanyň Mejlisiniň deputatlygyna Lebap welaýatyndan saýlananlaryň ikisine ýurduň milli parlamentinden jogapkärli wezipeler ynanyldy.
«Türkmenistanyň Mejlisiniň Başlygynyň orunbasary hakynda» Türkmenistanyň Kanuny bilen, 77-nji «Farap» saýlaw okrugynyň deputaty Gahryman Öwlýakulyýewiç Rozyýew Türkmenistanyň Mejlisiniň Başlygynyň orunbasarlygyna saýlanyldy.
Türkmenistanyň Prezidenti tarapyndan gol çekilen Kanunda ýurduň Konstitusiýasynyň 80-nji maddasyna laýyklykda we Türkmenistanyň Mejlisiniň ýedinji çagyrylyşynyň 2023-nji ýylyň 6-njy aprelinde bolup geçen birinji maslahatynyň barşynda açyk ses bermegiň netijeleri boýunça kabul edildi.
Şeýle hem Türkmenistanyň Mejlisiniň karary bilen, 79-njy «Darganata» saýlaw okrugynyň deputaty Bahar Hojamuradowna Seýidowa Türkmenistanyň Mejlisiniň Ylym, bilim, medeniýet we ýaşlar syýasaty baradaky komitetiniň başlyklygyna saýlanyldy.