Lebaply çagalara haýyr-sahawat gaznasynyň sowgatlary gowşuryldy

Welaýat köpugurly hassahanasynda welaýat saglygy goraýyş müdirligi we Saglygy goraýyş işgärleriniň kärdeşler arkalaşygynyň ilkinji guramalarynyň başlyklarynyň Türkmenabat şäher geňeşiniň bilelikde guramaklarynda «Sagdyn nesil — sagdyn geljek» atly dabaraly maslahat geçirildi.
Oňa saglygy goraýyş ulgamynyň işgärleri, ýaşuly nesliň wekilleri hem-de Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň serişdeleriniň hasabyna operasiýa edilen çagalar we olaryň hossarlary gatnaşdylar.
Çagalara baýramçylyk sowgatlarynyň gowşurylmagy dabarany ýatdagalyjy pursatlara besledi. Bu ýerde gaznanyň serişdeleriniň hasabyna operasiýa edilen çagalara hormatly Prezidentimiziň adyndan gymmatbahaly sowgatlar gowşuryldy.
Şol gün welaýat Çagalar öýüniň we welaýat Saglygy dikeldiş okuw-terbiýeçilik toplumynda hem çagalara hormatly Prezidentimiziň adyndan baýramçylyk sowgatlaryny gowşurylyş dabarasy geçirildi.